Almatyda Shahmatshylar odaǵy prezıdentiniń Kýbogyna arnalǵan týrnırdiń jeńimpazdary anyqtaldy
ALMATY. 23 qańtar. QazAqparat /Názıra Eleýhan/ - Almatyda «Debıýt» shahmat klýbynda shahmattan «Almaty qalasy shahmatshylar odaǵy prezıdentiniń Kýbogy» úshin jarys óz máresine jetti.
Esterińizge sala ketsek, týrnırge elimizdiń ár óńirinen, sondaı-aq jaqyn shet elderden 60-tan asa shahmatshylar qatysty. Onyń arasynda Evgenıı Vladımırov, Pavel Kotsýr, Rınat Jumabaev, Ánýar Ismaǵambetov, Nurlan Ibraev, Petr Kostenko, Rýstam Hýsnýtdınov, Murtas Qajyǵalıev syndy halyqaralyq grossmeısterler, Ózbekstan eliniń shahmatshysy Anton Fılıppov jáne reseılik qonaq Naým Rashkovskıı boldy. Jarystyń jalpy júlde qory 1 jarym mıllıon teńgeni quraıdy.
Úsh kún boıy shveıtsarııalyq júıe tártibimen tartysty ótken oıynnyń nátıjesinde 1-oryndy 8 upaımen pavlodarlyq Rınat Jumabaev jeńip aldy. 2-shi oryndy 7,5 upaımen almatylyq Evgenıı Vladımırov ıelendi. Al, 3-oryn pavlodarlyq Pavel Kotsýrǵa buıyrdy. Onyń týrnır kestesindegi upaıy 7 ball boldy.
