Almatyda «Shahmat planetasy» ashyldy
ALMATY. QazAqparat - Almatyda «Shahmat planetasy» ashyldy. Balalarǵa arnalǵan lagerge Qazaqstannyń ár buryshynan shahmatqa degen qyzyǵýshylyǵy bar 12-14 jas aralyǵyndaǵy 50 bala jınaldy, dep habarlaıdy QazAqparat tilshisi.
«Balalardyń kóbi áleýmettik turǵydan az qamtylǵan otbasylardan. Olardyń ár qaısysy shahmatqa degen úlken qyzyǵýshylyqpen kelip otyr. Tipti keıbiri jergilikti shahmat jarystarynyń júldegerleri, shahmattan 1-3 sporttyq razrıadtary bar balalar», - dedi jobanyń úılestirýshisi Ilzıra Aldagarova.
Lager Nazarbaev zııatkerlik mektebiniń hımııa-bıologııa baǵytyndaǵy bólimshesinde ótedi.
«Osy lagerdi akademık Shahmardan Esenov atyndaǵy ǵylymı-bilim berý qorynyń muryndyq bolýymen Qazaqstan shahmat federatsııasy men Nazarbaev zııatkerlik mektebi uıymdastyryp otyr. Balalar demalyp, sondaı-aq shahmat oınap ózderiniń logıkalyq jáne zııatkerlik qabiletterin damytady. Osy jyly balalar jaqsy demalyp qana qoımaı, sonymen qatar kóptegen jaqsy áserlerge ıe bolyp, úlken tájirıbe alady dep úmittenemiz», - dedi Qazaqstan shahmat federatsııasy atqarýshy dırektorynyń orynbasary Gúlmıra Dáýletova.
Túske deıin balalarmen shahmat teorııasy boıynsha sabaqtar, sparrıngter ótkiziledi. Grossmeıstrler Rýstam Hýsnýtdınov pen Anton Fılıpovtyń sheberlik synyptary da ótetin bolady. Tústen keıin lagerde raketa jasaý, robototehnıka, qysh sheberligi, akterlik sheberlik jáne t.b. baǵyttardaǵy sabaqtar josparlanǵan.
Aıta ketý kerek, byltyr osyndaı lager Astana qalasynda uıymdastyrylǵan bolatyn.
