Almatyda shaǵyn kásipkerler sany 30 paıyzǵa ósti

ALMATY. QazAqparat - Megapolıste 343 myń shaǵyn jáne orta bıznes bar, búgingi kúni onyń 277 myńy jumys istep tur. Bul týraly Almaty qalasy kásipkerler palatasynyń dırektory Aıtýar Qoshmambetov Óńirlik kommýnıkatsııalar qyzmetinde ótken baspasóz máslıhatynda málim etti, dep habarlaıdy QazAqparat tilshisi.

«Ulttyq statıstıka bıýrosynyń málimeti boıynsha, tirkelgen shaǵyn jáne orta bıznes sýbektileriniń sany boıynsha Almaty kósh bastap tur. «Megapolıste 343 myń sýbekti bolsa, onyń 277 myńy jumys isteıdi. Ótken jylmen salystyrǵanda 30 paıyzǵa ósti», - dedi Aıtýar Qoshmambetov.

Spıkerdiń sózinshe, 2022 jyl otandyq bıznes úshin, ásirese almatylyq kásipkerler úshin ońaı bolǵan joq. Almatyda jyl basynda oryn alǵan qańtar oqıǵasy umytylǵan joq, onyń kásipkerlerge tıgizgen áseri áli de bar.

«Jaǵdaı qalypqa kelgennen keıin biz jedel jeli ashyp, bıznestiń qalaı jáne qandaı kólemde zardap shekkeni týraly aqparat jınaýdy bastadyq. 2000-nan astam qońyraý kelip tústi. Almatyda zardap shekken 2 myńǵa jýyq kásipkerlik sýbektisi anyqtaldy. Olardyń esepteýleri boıynsha jalpy shyǵyn kólemi 94,8 mlrd teńgeden asqan», - dedi ol.

Bıyl «Atameken» UKP bastamasymen Memleket basshysy jappaı tártipsizdikter men moraderlikten shaǵyn jáne orta bızneske keltirilgen zalaldy óteý bastamasyn qoldap, nátıjesinde bıznes qaýymdastyqtyń usynystaryn eskeretin mehanızm ázirlendi.

«Ótip bara jatqan jyldyń ishinde keltirilgen zalaldy óteý jónindegi komıssııanyń 40 otyrysy ótkizilip, «InfoKazakhstan» portalyna túsken barlyq ótinishter qaraldy. 16,1 mlrd teńgege 1640 ótinim qoldaý tapty. Jalpy alǵanda, qańtar oqıǵasynan 67 iri bıznes sýbektisi zardap shekti, onyń 62-si Almatyǵa tıesili», - dep atap ótti Aıtýar Qoshmambetov.