Almatyda shaǵyn fýtboldan ÝEFA-nyń 2010/2011 kýbogynyń elıtalyq kezeńiniń jarysy ótedi

Oǵan "S" tobynda óner kórsetetin Qazaqstannyń "Qaırat", Polshanyń "Akademııa", Grýzııanyń "Iberııa-Star", jáne Slovakııanyń "Slov-Matık" komandalary qatysady. Joao Karlos Barboza jattyqtyratyn almatylyqtar alǵashqy oıynynda Polsha chempıonatynyń jeńimpazymen kezdesedi. Odan keıin Slovakııa men Grýzııa chempıondarymen oınaıdy. "Qaırattyqtar" reıtıngtik kórsetkishine baılanysty bul dodaǵa birden joldama alǵan edi.

Jalpy elıtalyq kezeńniń jerebe tartý rásimi 12 qazanda uıymdastyrylǵan bolatyn. Almatylyqtar óz tobynda úzdik shyqsa 10-28 qarasha kúnderi ótetin elıtalyq kezeńdegi "A "(Portýgalııanyń «Benfıka», Serbııanyń «Ekonomats», Ýkraınanyń «Taım», Horvatııanyń «Natsıonal» (Horvatııa), "V" (Reseıdiń «VIZ-Sınara», Ázirbaıjannyń «Araz», Italııanyń Montesılvano», Kıprdiń «AGBÝ-Ararat»); "D" (Ispanııanyń «Mýrsııa», Portýgalııanyń «Sportıng», Chehııanyń «Hrýdım», Rýmynııanyń «Tyrgý-Mýresh») toptarynyń jeńimpazdarymen 2001 jyldyń sáýir aıynda «Tórttiktiń fınalynda» kezdesedi.

"Qaırat" buǵan deıin 2008/2009 jylǵy ÝEFA kýbogynda qola júldeger atanǵan bolatyn. Qazaqstan chempıony 3-oryn úshin 26 sáýirde Ekaterınborda ótken saıysta Máskeýdiń "Dınamosynan" 1:0 esebimen basym tústi.