Almatyda shaǵyn fýtboldan tuńǵysh ótetin ÝEFA Kýbogynda alǵashqy úshtikten kórinýge tyrysamyz - Q.Orazbekov
ALMATY. 13 sáýir. QazAqparat /Ádilet Musahaev/ - Sáýirdiń 29 men 1-shi mamyr aralyǵynda Almatyda shaǵyn fýtboldan tuńǵysh ótetin ÝEFA Kýbogynda alǵashqy úshtikten kórinýge tyrysamyz.
Bul jaıynda búgin «Qaırat» ShFK-nyń prezıdenti Qaırat Orazbekov baspasóz máslıhaty barysynda málim etti.
Onyń aıtýynsha, bul Kýbokty Qazaqstanda ótkizýge elimizdiń sportshylarynyń jemisti oıyndary áser etken. «29-shy sáýir kúni shırek fınalda bizdiń komanda portýgaldyq «Sportıng» klýbymen synǵa túsedi. Eger ony utsaq, alǵa jyljyp, Kýbokty óz otanymyzda qaldyrýǵa múmkindik bolady», -deıdi Q.Orazbekov.
Jıyn barysynda tanymal ánshi Nurlan Abdýllın qazaqstandyqtardy «Qaırattyń» ÝEFA Kýbogy fınalynda jeńiske jetýi úshin oǵan qoldaý kórsetýge shaqyrdy. «Mundaı sharanyń Almatyda ótkizilýi óte keremet! Osydan az ýaqyt buryn mundaıdy elesetete almaǵan edim. Al endi súıikti fýtbol klýbymyzdyń halyqaralyq birinshilikterdegi bedeliniń, jeńisteriniń arqasynda ÝEFA fınalyn bizdiń elde ótkizý týraly sheshim qabyldanyp otyr», -deıdi ánshi.
