Almatyda shaǵyn fýtboldan dástúrli «Bıznes lıga «KAZKA-2010» týrnıri ótip jatyr
ALMATY. Shildeniń 10-y. QazAqparat /Erbol Azanbek/ -Búgin Almatydaǵy «Delfın» sport kesheninde shaǵyn fýtboldan dástúrli «Bıznes lıga «KAZKA-2010» týrnıri bastaldy.
Sharaǵa bıznes ókilderiniń 20-ǵa jýyq komandasy qatysýda. Olardyń qatarynda qazaqstandyq kásipkerlerdiń «QAZKA» qaýymdastyǵy, Astana qalasynyń «Saryarqa» qaýymdastyǵy, «QazEnerdjı» qaýymdastyǵy, «QazTransGaz» AQ, «ALPROF» alıýmınıı ónimderin óndirýshiler konsortsıýmynyń ókilderi bar. Sharany qazaqstandyq kásipkerlerdiń «QAZKA» qaýymdastyǵy uıymdastyrǵan. Uıymdastyrýshylardyń aıtýynsha, sharany ótkizýdegi basty maqsat - bıznes qaýymdastyq ókilderi arasynda ózara áriptestik ornatý, sport pen salaýatty ómir saltyn nasıhattaý.
