Almatyda shaǵyn fýtboldan balalar arasynda «Qaırat kýbogy» týrnıri boldy
ALMATY. 5 naýryz. QazAqparat - Almatyda 3-4 naýryz kúnderi shaǵyn fýtboldan 2003-2004 jyldary týǵan balalar arasynda «Qaırat kýbogy» týrnıri ótti.
Aqtyq synda óz tobynda úzdik shyqqan «Qaırat-2003» pen «Qaırat-1» komandalary kezdesti. Bul oıynda irikteý synynda «Qaırat-2» komandasyn 5:0, al «SDıÝShOR-2» komandasyn 7:0 esebimen oısyrata utqan «Qaırat-2003» qarsylasyna 3:4 esebimen ese jiberdi. «Qaırat» shaǵyn fýtbol klýbynyń stadıonynda ótken bul dúbirli dodaǵa 6 komanda qatysqan bolatyn.
