Almatyda shaǵyn bıznesti qoldaý kartasy ázirlenip jatyr
ALMATY. QazAqparat - Búgin Almaty ákimi Baqytjan Saǵyntaev Іskerlik keńes otyrysyn ótkizdi, dep habarlaıdy QazAqparat tilshisi.
Almaty Exit Strategy qala tirshiligin kezeń-kezeńmen qalpyna keltirý josparyna sáıkes shaǵyn jáne orta bıznes (ShOB) sýbektilerin qoldaý sharalarynyń paketi ázirlenip jatyr.
Otyrys barysynda megapolıstiń iskerlik belsendiligin qalpyna keltirý týraly usynystar qaraldy.
Tótenshe jaǵdaı kezeńinde jáne koronavırýsqa arnalǵan karantın toqtatylǵannan keıin birqatar kásiporyndar jumysqa qaıta oralady.
Shaǵyn jáne orta bıznesti qoldaý sharalaryna erekshe kóńil bólinedi. Sharalar paketi sarapshylar men naryq qatysýshylarynyń baǵalary men pikirlerin eskere otyryp qalyptastyrylady.
