Almatyda shabýylǵa ushyraǵan polıtsııa qyzmetkerleriniń esimderi jarııa etildi
ASTANA. 28 shilde. QazAqparat - Almaty ІІD polıtsııa qyzmetkerlerine jasalǵan shabýyl týraly qandaı da bir aqparat biletin azamattardan polıtsııaǵa habarlasýdy suraıdy.
Esterińizge sala keteıik, búgin tańerteń Túrksib aýdanynda qyzmetterin atqaryp júrgen «Boran-170» patrýldik ekıpajyna qarýly shabyl jasaldy.
«Polıtsııa qyzmetkerleri Bekmahanov kóshesinde joldyń jıeginde turǵan kúdikti kólikti kóredi. Olar kóliktiń júrgizýshisi men jolaýshylarynyń qujattaryn teksermek bolyp, jaqyndaı bergende, kólik ishinen oq atyldy. Patrýlderdiń biri - polıtsııa aǵa leıtenanty Erjan Qaıraqbaev basyna oq tıip, oqıǵa ornynda qaza boldy. Onyń áriptesi - polıtsııa leıtenanty Ernaz Qojahmetov aýyr jaraqatpen qala aýrýhanalarynyń birine jetkizildi» - deıdi ІІD baspasóz qyzmetindegiler.
Qazirgi ýaqytta qalada «Ustaý» arnaıy operatsııasy júrýde. Shabýyldy jasady degen kúdikpen kúmis tústes «Hıýndaı» avtokóligin mingen úsh jigit izdestirilýde.
Almaty qalasynyń ІІD osy oqıǵa boıynsha qandaı da bir aqparaty bar kez kelgen azamattyń myna telefondarǵa habarlasýyn ótinedi: 254-40-18; 298-50-37 nemese «102.
