Almatyda shabýyl kezinde qaza tapqan polıtsııa qyzmetkerleri otbasylaryna materıaldyq kómek kórsetiledi

Budan basqa, búkil Almaty qalasynyń polıtsııa qyzmetkerleri bir nemese eki kúndik jalaqylaryn qaza tapqan áriptesteriniń otbasylaryna aýdaratyn bolady. Bul týraly Almatyda ótkizilgen baspasóz brıfıngi barysynda Almaty qalalyq Terrorızmge qarsy kúres boıynsha operatıvtik shtabtyń resmı ókili Saltanat Ázirbek málim etti.

«Quqyq qorǵaý qyzmeti týraly» zańǵa sáıkes, qyzmet barysynda qaza tapqan polıtsııa qyzmetkeriniń otbasyna mindetti túrde materıaldyq kómek kórsetiledi. Olar beıbit ómirde azamattardyń qaýipsizdigin qorǵaý barysynda qaza tapty. Bul turǵyda Almaty qalasy ákimdigi tarapynan da olardyń otbasylaryna tıisti kómek kórsetiledi dep oılaımyn. Qaza tapqan polıtsııa qyzmetkerleri aqtyq saparǵa tıisti dárejede shyǵaryp salynady», - dedi S. Ázirbek.