Almatyda Sh. Serikov atyndaǵy sporttyq baǵyttaǵy demalys orny ashyldy
ALMATY. 16 qyrkúıek. QazAqparat /Ádilet Musahaev/ - Búgin Almatydaǵy «Dınamo» stadıonynda Olımpıada oıyndarynyń chempıony Shámil Serikov atyndaǵy sporttyq baǵyttaǵy demalys orny saltanatty túrde ashyldy.
Bul ortalyqtyń ashylýna Almaty qalasy Jastar saıasaty jónindegi basqarmanyń qoldaýymen Almaty qalasy Jastar saıasatyn damytý memlekettik qory muryndyq bolǵan. Aıta keteıik, joba el táýelsizdiginiń 20 jyldyǵy men Sh.Serikovtyń 55 jyldyǵyna oraı júzege asyryldy.
Sporttyq baǵytta qyzmet atqaratyn bul ortalyqta grek-rım kúresi, judyryqtasý, dzıýdo, fýtbol sııaqty sport túrlerinen belsendi jumys júrgizilmek.
Saltanatty shara barysynda Almaty qalasy Jastar saıasatyn damytý memlekettik qorynyń dırektory Talǵat Abaıuly Tımýr Serikovke atalǵan ortalyqtyń dırektory degen kýálikti tabystady.
«Búgin Qazaqstan halqy úshin qýanyshty jaǵdaı. Bul ortalyqtan elimizdi álemge tanytatyn chempıondar shyǵady degen senimdemin», -deıdi Keńes Odaǵynyń sport sheberi Jaqsybaı Bázilbaev.
Sh. Serikov grek-rım kúresinen sport sheberi ataǵyn alǵan tulǵalardyń biri. Ol grek-rım kúresinen eki dúrkin álem chempıony, Eýropa jáne olımpıadalyq oıyndar chempıony atanǵan. Sportshy tiri bolǵanda bıyl 55 jasqa tolar edi.
