Almatyda «Sezim traektorııasy» dep atalatyn sýret kórmesi ótedi
ALMATY. 8 sáýir. QazAqparat /Erlik Erjanuly/ - Almatyda 15-26 sáýirde «ARTFOGLIO» galereıasynda «Symbat» dızaın jáne tehnologııa akademııasy jas oqytýshylarynyń ujymdyq kórmesi bolady.
Sýretshilerdiń jańa tolqynyn tanystyrýǵa arnalǵan bul jobaǵa qatysýshylar óz shyǵarmasyn kórermen nazaryna tuńǵysh ret usynyp otyr. Atap aıtqanda olar - Araılym Jamanbalanova, Anar Jeksembaeva, Samal Seıitova, Aıjan Asylhanova, Valentına Admaeva, Ásem Ábıjanova, Baqytgúl Abdrambaeva, Sandýǵash Sarbasova, Zamıra Adaeva jáne Nellı Hasanova.
Bul kórmege jas sýretshiler ártúrli janrdaǵy jáne árqıly tehnıkadaǵy san alýan týyndylaryn usynyp otyr. Olardyń arasynda maıly, akrıldi sýretter, tuskilem, keste, júnnen jasalǵan sándik buıymdar, natıýrmort, qala peızajdary, abstraktili jáne sıýrrealıstik kartınalar bar. Onda ár sýretshi sharttylyqtan erkin jáne óz oıyn óz sezimimen berýýge tyrysady.
