Almatyda serýenge arnalǵan jaıaý júrginshi aınalmasy paıda bolady
2019 jyly Tóle bı kóshesiniń bir bóliginde jaıaý júrginshi aýmaǵy paıda bolady.
«Tóle bı - Dostyq - Abaı - Esentaı ózeni aımaǵynda jaıaý júrginshi keńistigin qurý josparda bar. Bul 18 shaqyrym aýmaqty qamtýy múmkin. Biz ony kishi jaıaý júrginshi aınalmasy dep ataımyz. Bul jer demalys alleıasy retinde qarastyrylyp, adamdar serýendeı alady. Tarıhı qalanyń jaıaý júrginshiler úshin yńǵaıly bolǵanyn qalaımyz . Aınalma aýmaǵy batys, soltústik, shyǵys, ońtústik baǵyttardy qamtıdy. Kelýshiler kóligin qoıyp, jaıaý júrginshi aýmaǵyna kez-kelgen jaqtan kóterile alady. Almatyny josparlaý jobasy avtokólikterge zııan tıgizbesten jaıaý júrginshi aımaǵyn damytýǵa baǵyttalǵan. Avtorturaqtarǵa baılanysty týyndaǵan usaq máselelerdi sheshemiz»,-deıdi Almaty qalasy sáýlet jáne qala qurylysy basqarmasy bastyǵynyń orynbasary Almashan Ahmedjanov
Tóle bı kóshesinde kishi jaıaý júrginshi aınalmasynyń qurylysy 2019 jyly bastalady. Ázirge LRT ınjenerlik jumystary jasalady.
«Jeńil relsti transport jelisiniń ınjenerlik jumystary bastalady. Tóle bı kóshesiniń boıymen LRT ótetindikten, qoǵamdyq kólikke baılanysty qurylys júrgiziledi. Kelesi jyly jaıaý júrginshi keńistigin qurýmen aınalysamyz»,-dedi Almashan Ahmedjanov.
Eske sala ketsek «Adamdarǵa yńǵaıly qala » jobasy aıasyna 2020 jylǵa deıin Almatyda 15 kóshe men 2 ózen jaǵalaýy jańa kelbetke ıe bolatynyn jazǵan bolatynbyz.
