Almatyda sertıfıkaty joq dárilik zattardy tasymaldaý kanaly áshkerelendi
ALMATY. QazAqparat - Almatyda sertıfıkaty joq medıtsınalyq zattardy zańsyz tasymaldaý shemasy áshkerelendi, dep habarlaıdy QazAqparat tilshisi.
Qalalyq Memlekettik kirister departamenti habarlaǵandaı, bul kanal arqyly sheteldik medıtsınalyq ónim jetkizilip otyrǵan.
«2018 jyly maýsymda sheteldik «M» kompanııasynan «N» JShS mekenjaıyna áýe tasymalymen medıtsınalyq maqsattaǵy qymbat baǵaly buıymdar jetkizilgen.
Olar qujat boıynsha úshinshi tulǵanyń atyna tirkelgen. Kedendik quny tómendetilgen.
Jetkizilgen taýardyń kedendik quny 149 898, 81 evro (59 204 035,91 teńge) bolsa, kedendik tólemdi túsirýdiń nátıjesinde kedendik tólem 11 414 538,13 teńgege túsken», - dedi qalalyq MKD ishki qaýipsizdik basqarmasy.
Qazir atalǵan derek boıynsha QR QK 234-baby boıynsha tergeý jumystary bastaldy.
