Almatyda «Serpilis» atty óner festıvali ótedi
ASTANA. 26 qyrkúıek. QazAqparat - Almaty qalasy ishki saıasat Basqarmasy memlekettik áleýmettik tapsyrysy sheńberinde 29 qyrkúıek kúni Qazaqtyń Memlekettik Qyzdar Pedagogıkalyq ýnıversıtetiniń ǵımaratynda
«Almaty qalalyq zańdy tulǵalar birlestigi Azamattyq Alıansi» halyq shyǵarmashylyǵyn jastar men stýdentter arasynda keńi-nen nasıhattaý maqsatynda alǵash ret kórkem-sazdy «Serpilis» óner festıvalin ótkizedi. Bul týraly atalmysh oqý ornynyń baspasóz qyzmeti habarlaıdy.
Mádenı - kópshilik sharanyń baǵdarlamasynda XIX-ǵasyrdaǵy aqyn-sazgerlerdiń shyǵarmashylyǵy boıynsha sahnalyq kórinister, oryndaýshylyq baıqaý, stýdentterdiń halyq sazger-ánshileri jónindegi derekterden biliktilikteri saralanady, sarapshylar, kórermender tarapynan baǵalanady.
«Serpilis» festıvalin «Altyn Arqaý» mádenı-etnografııalyq QB-tóraıymy Ǵalııa Aıýp júrgizedi.
«Qazirgi jappaı jahandaný dáýirinde mádenı-aqparattyq aǵymdardyń ekpinine jutylyp ketpeýdiń jalǵyz joly ózińniń tegińdi saqtaý, moıyndatý arqyly bolashaq urpaqtyń ulttyq bolmysyn aıshyqtaı túsip, rýhanı apattyń aldyn alý - ózekti másele, ómirsheń ustanym» - delingen habarlamada.
