Almatyda Serke Qojamqulovty eske alý keshi ótedi

Sondaı-aq áıgili óner sheberiniń shyǵarmashylyǵyna arnalǵan «Sheberlik shyńy» - «Vershına masterstva» kitabynyń tusaýkeseri bolady. Keshti Qazaqstannyń eńbek sińirgen óner qaıratkeri, teatr synshysy, professor Áshirbek Syǵaı júrgizbek. Oǵan óner zertteýshileri, teatr jáne kıno akterleri, qoǵam qaıratkerleri, stýdentter men kitaphana oqyrmandary qatysady.

Qazaqtyń alǵashqy kásibı teatr jáne kıno akterleriniń biri, Qazaq KSR-niń halyq ártisi, Sotsıalıstik Eńbek Eri Serke (Seraly) Qojamqulov1896 jyly 5 mamyrda Torǵaı oblysynda dúnıege kelgen. 1925 jyldan M.Áýezov atyndaǵy Qazaq memlekettik akademııalyq drama teatrynda akter ári rejısser retinde qyzmet atqarǵan ol M.Áýezovtiń «Abaıynda» - Maıbasar, Ǵ.Músirepovtiń «Amangeldisinde» - Tumaqbaı, Shekspırdiń «Asaýǵa tusaýynda» - Slaıa, Pedant, Gogoldiń «Revızorynda» - ıAıchnıtsa men Zemlıanıka komedııalyq rólderin asqan sheberlikpen somdady. Joǵary deńgeıdegi kásibı shyǵarmashylyǵy men eren eńbegi úshin birneshe ret KSRO men Qazaq KSR Memlekettik syılyǵymen jáne túrli orden-medaldarmen marapattalǵan.