Almatyda Serik Ábdiraıymulyn eske alý kórmesi ótip jatyr
ALMATY. Qarashanyń 26-sy. QazAqparat /Erlik Erjanuly/ - Búgin Almatydaǵy D.Qonaev murajaı-úıinde «Serik Ábdiraıymulyn eske alý kórmesi» ashyldy,
dep habarlaıdy QazAqparat.
«Bul shara Dinmuhamed Qonaevtyń 100 jyldyǵyna arnalǵan «Qonaevtyń áriptesteri baǵdarlamasy» aıasynda uıymdastyrylyp otyr. Maqsat - kórnekti qoǵam jáne memleket qaıratkeri D.Ahmetulynyń áriptes inisiniń ónegeli isin jastarǵa úlgi etý», deıdi D. Qonaev murajaı-úıiniń dırektory Bolysbek Battalhanov. Murajaıdyń ashylýyna atsalysqan, kórkemdik keńesiniń múshesi retinde onyń ósip-órkendeýine ólsheýsiz úles qosqan jazýshy, baspager, ustaz, pýblıtsıst S. Ábdiraıymuly jaqynda 66 jasynda dúnıeden ozǵan bolatyn. Ol «Bes múshel belesinde» kórkem esseler kitabynyń, «Nurǵısa», «Qazaqstandyqtar - Brest qaharmandary» derekti fılmderiniń, D. A. Qonaev týraly «Elý jyl el aǵasy», «Lıchnost», «Qaharman - Nurǵısa» jınaqtarynyń avtory. Sondaı-aq D. Ahmetulynyń «Ótti dáýren osylaı», «Aqıqattan attaýǵa bolmaıdy» kitaptarynyń ádebı nusqasyn jazdy. Aýdarmashy retinde Orhan Kemal, Ázız Nezın, Rasýl Ǵamzatov, Paýl Kýsberg, Borıs Vasılevtyń jáne taǵy basqa da kóptegen sheteldik jazýshylardyń shyǵarmalaryn qazaqsha sóıletti.
