Almatyda «Sergek» segiz kúnde 42 mıllıon teńgege aıyppul saldy
ALMATY. QazAqparat – Almatyda jańadan iske qosylǵan 400 «Sergek» kameralary 42 mıllıon teńgege aıyppul saldy, - dep habarlaıdy QazAqparat tilshisi.
Polıtsııanyń habarlaýynsha, megopolıste segiz kúnniń ishinde 2564 jol qozǵalysy erejelerin buzý deregi tirkelgen. Ákimshilik quqyqbuzýshylyqtar kóbine jyldamdyqty asyrýmen balanysty (saǵatyna 10-20, 20-40 jáne 40-tan asa shaqyrym). Polıtseıler júrgizýshiler jol boıyndaǵy jol qozǵalysy erejelerinde bekitilgen talaptarǵa nazar aýdarmaıtynyn da atap ótti.
Esterińizge sala keteıik, «Sergek» jyldamdyqty asyrý, baǵdarshamnyń qyzyl túsine ótý, jol belgileri men jolaqtardy elemeý, kólikti toqtatý erejesi jáne kólik quraldaryn turaqqa qoıý, sondaı-aq qoǵamdyq kólikke arnalǵan jolmen júrý derekterin tirkeıdi.
Almaty qalalyq Polıtsııa departamenti júrgizýshilerden megapolıs joldaryndaǵy jol erejelerin saqtaýǵa shaqyrady.
