Almatyda «Sergek» kameralary 1 mln astam zańbuzýshylyqty anyqtady
ALMATY. QazAqparat - 2020 jyldyń basynan beri «Sergek» apparat-baǵdarlamalyq kesheni Almatyda mıllıonnan astam jol erejesin buzý faktisin anyqtady, dep habarlaıdy QazAqparat tilshisi polıtsııa departamentiniń baspasóz qyzmetine silteme jasap.
Almaty qalalyq polıtsııa deparatmentiniń málimetinshe, «Sergek» kameralary 2019 jyldyń sáýir aıynan bastap ornatyldy.
Alǵashynda 10 «Sergek» apparat-baǵdarlamalyq kesheni qoldanysqa berildi.
Al 2020 jyldyń qańtarynan bastap qalada 404 «Sergek» kamerasy ornatyldy.
«Kameralar qalanyń barlyq aýdanyn qamtıdy. Jaıaý júrginshiler ótkelderine, qıylystarǵa, kópirler men kóshelerge ornatylǵan. Jyldyń basynan beri «Sergek» kameralary 1 123 735 jol erejesin buzý faktisin tirkedi», - deıdi Almaty qalalyq PD ákimshilik polıtsııa basqarmasynyń bastyǵy Jandos Muratalıev.
2021 jyly Almatyda qosymsha 3286 «Sergek» kamerasy ornatylmaq.
