Almatyda «Sergek» arqyly 4,5 mlrd teńge aıyppul salynǵan
ALMATY. QazAqparat – Almatydaǵy «Sergek» kameralary on aıdyń ishinde 4,5 mlrd teńgeniń zańbuzýshylyǵyn tirkedi. Bul týraly Almaty ákimi Baqytjan Saǵyntaev Ortalyq kommýnıkatsııalar qyzmetinde ótken brıfıngte aıtty, dep habarlaıdy QazAqparat tilshisi.
Baqytjan Saǵyntaevtyń aıtýynsha, Almatyda jyl basynan beri 404 «Sergek» apparattyq-baǵdarlamalyq kesheni iske qosyldy, onyń 21-i Almatyǵa kirip-shyǵatyn joldarǵa ornatylǵan.
«Sergek» kameralary 10 aıdyń ishinde 650 myńnan astam jol erejesin buzý faktisin tirkedi. 4,5 mlrd teńgege aıyppul salyndy onyń 2,6 mlrd nemese 57,7% óndirildi. Sondaı-aq, modýldik polıtsııa pýnktilerin ornatý jobasy ózin aqtady. Buǵan dálel — pýnktiler ornalasqan aýdandardaǵy qylmys deńgeıiniń tómendeýi. Sonymen qatar, bul týraly jergilikti turǵyndar da aıtyp júr»,– deıdi Baqytjan Saǵyntaev.
Qoǵamdyq qaýipsizdikti qamtamasyz etýge kúndelikti 2 myńnan astam polıtsııa qyzmetkeri men QR ІІM Ulttyq gvardııasynyń áskerı qyzmetkerleri jumyldyrylady.
Olar 550 baǵyt boıynsha jumys isteıdi, onyń ishinde 300 kólik jáne 250 jaıaý baǵyt bar.
