Almatyda semserlesýden Qazaqstannyń jazǵy spartakıadasy bastaldy
ALMATY. QazAqparat - Almatyda semserlesýden Qazaqstannyń VI jazǵy spartakıadasy bastaldy, dep habarlaıdy QazAqparat.
Sportty damytý dırektsııasynyń baspasóz qyzmetinen málim etkendeı, týrnırKárken Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat kolledjinde ótip jatyr. Oǵan 11 óńirdiń sportshylary qatysýda. Birinshi kúni qylyshtasý básekesiniń jeńimpazdary men júldegerleri anyqtaldy. Erler arasynda 30 úmitker, al áıelder saıysynda 29 sportshy baq synady.
Erler:
1 oryn – Tamırlan Qalıev (Abaı oblysy)
2 oryn – Nııazbek Safınov (Abaı oblysy)
3 oryn – Nıkıta Ponomarev (ShQO)
3 oryn – Ǵalym Nurymov (Almaty)
Áıelder:
1 oryn – Sofııa Aqtaeva (Almaty)
2 oryn – Kúljan Túsipbekova (Abaı oblysy)
3 oryn – Alına Iskanderova (ShQO)
3 oryn – Aıaýly Óteýlenova (Abaı oblysy)
Búgin qylyshtasýdan komandalyq saıystar ótedi. Odan keıin semserlesý básekesiniń úzdikteri anyqtalady.
Spartakıada 15 sáýirde aıaqtalady.
Jarysqa qatysyp jatqandardyń arasynda ulttyq quramanyń Rýslan Kýrbanov, Elmır Álimjanov, Artem Sarkısıan sııaqty úzdikteri bar. Spartakıada qorytyndysy boıynsha olımpıadalyq irikteý týrnırleri men jazǵy Azııa oıyndary sııaqty halyqaralyq dodalarda el namysyn qorǵaıtyn ulttyq qurama músheleri belgili bolady.
