Almatyda seldik jaǵdaıdyń turaqtanýyna baılanysty «Joǵary daıyndyq» rejimi kúshin joıdy
ALMATY. QazAqparat - Almatyda seldik jaǵdaıdyń turaqtanýyna baılanysty «Joǵary daıyndyq» rejimi kúshin joıdy. Bul týraly búgin Almaty qalasynyń Tótenshe jaǵdaılar departamentiniń baspasóz qyzmetinen habarlady.
«Almaty qalasy ákiminiń 2015 jyldyń 8-shi qyrkúıeginde shyǵarylǵan №89-shy ókimine sáıkes, Almaty qalasynda seldik jaǵdaıdyń turaqtalyp, qaýip-qaterdiń seıilýine baılanysty búgin «Joǵary daıyndyq» rejimi alynyp tastaldy», - delingen habarlamada.
Almaty qalasynyń azamattyq qorǵanysy qyzmetiniń aýmaqtyq qosalqy júıeleriniń kúshteri men quraldary kúndelikti qyzmet rejimine aýystyryldy.
Almaty qalasy men oblysynda Kishi jáne Úlken Almaty ózenderiniń alabynda aıtarlyqtaı ózgeris bolǵan joq jáne sel tasqyny qaýpi seıildi.
