Almatyda selden zardap shekkenderdi qoldaýǵa arnalǵan qaıyrymdylyq kontsertinde 364 myń teńge jınaldy

ALMATY. QazAqparat - Almatyda selden zardap shekkenderdi qoldaýǵa arnalǵan «Almatynyń birligi» atty qaıyrymdylyq kontsertinde 364 myń teńge jınaldy. Bul týraly osy aktsııaǵa qatysýshy, «Al Davaı» tobynyń ánshisi Shoqan Muratuly Instagram áleýmettik jelisindegi óz paraqshasynda málimdedi.

Onyń aıtýynsha, kontsertte jınalǵan barlyq qarjy sel tasqynynan zardap shekken Naýryzbaı aýdanynyń turǵyndaryna kómek kórsetýge jumsalady.

«Almatynyń birligi» qaıyrymdylyq kontsertinde biz 364 myń teńge jınadyq. Búgin sel tasqyny bolǵan aýdanǵa baryp, aqshany naqty qaıda jumsaý kerektigin anyqtaımyz», - dep jazady Sh. Muratuly.

Ol sonymen qatar, 12 jastaǵy Dıas Áýbákirov pen onyń januıasy kontserttiń qurmetti qonaqtary bolǵanyn atap ótti. Buqaralyq aqparat quraldarynyń málimdeýinshe, Dıas týǵan aýyly Qarǵalyǵa belsendi túrde kómek kórsetip júr.