Almatyda sel júrý qaýpiniń aldyn alý sharalary júrgizilýde
ALMATY. QazAqparat – Almatyda toqtaýsyz jaýyp turǵan jaýyn saldarynan sel júrý qaýpi bar. Mamandar aldyn alý sharalaryn bastap ketti, dep habarlaıdy QazAqparat tilshisi.
Almatyda sel júrý qaýpiniń aldyn-alý úshin qalanyń Tótenshe jaǵdaı departamenti men aýdan ákimdigi qyzmetkerleri birige jumys bastady.
«Tótenshe jaǵdaılar departamenti aýdan ákimdikterimen birlesip jıi sý basatyn ýchaskelerdiń tizimin jasaǵan bolatyn. Búgin mamandar arnaıy tehnıka arqyly jaýyn sýy basyp qalatyn kósheler men aýlalardy tazalaı bastady», - dep habarlady qalalyq TJD baspasóz qyzmeti.
Qazirgi ýaqytta tótenshe jaǵdaılar departamentine, turǵyndardan sý basý týraly shaǵym túsken joq.
