Almatyda sel júrý qaýpi joq - QR Tótenshe jaǵdaılar mınıstrligi
ASTANA. 20 shilde. QazAqparat - QR Tótenshe jaǵdaılar mınıstrligi málimdemesi boıynsha Kishi Almaty ózeniniń basseınine kiretin №6 kólinde sel júrý qaýpi joq.
Mınıstrliktiń baspasóz qyzmeti habarlaǵandaı, Almaty qalasyn selden qorǵaý úshin jyl saıyn 15 mamyr men 15 qyrkúıek aralyǵynda Mánshúk Mámetova muzdyǵy mańaıyndaǵy № 6 kólde arnaıy baqylaý beketteri jumys isteıdi. Bul jerde «Myńjylqy» jáne «Medeý» sý tospalary bar. Olardyń syıymdylyǵy 12,6 mln. tekshe metrdi qurap otyr. Osynyń arqasynda eki birdeı seldi toqtatýǵa bolady.
«Qazirgi kezde № 6 kólde 15 adamnan quralǵan top jumys istep jatyr. Olar kól arnasyn tazalap, ony keńeıtý jumystaryn atqarýda», - delingen mınıstrliktiń habarlamasynda.
