Almatyda sel júrý qaýpi bolǵan aýdandarǵa aýyzsý berildi
ALMATY. QazAqparat - Almatyda sel júrý qaýpi bar degen Naýryzbaı aýdanyn aýyzsýmen qamtamasyz etý qalpyna keltirildi, dep habarlaıdy QazAqparat tilshisi.
«22 tamyzda Naýryzbaı aýdanyndaǵy Quramys, Taýsamaly jáne Qarǵaly yqshamaýdandarynyń turǵyndary úshin sýyq sý qaıta berildi. Qarǵaly ózenindegi sý tazardy. Bul súzgi stantsııasynyń jumysyn qaıta qalpyna keltirýge múmkindik berdi. Qazirgi ýaqytta sýdy tazartýdyń barlyq kesheni jumys jasaýda. Sýdy zalalsyzdandyrý, sý qabyldaý qondyrǵylary retke keltirilýde», - delingen «Almaty Sý» habarlamasynda
Kommýnaldyq qyzmet qosymsha ózen arnasyn, súzgilerdi, tundyrǵyshty jáne sýmen jabdyqtaý jelilerin tazartý boıynsha jumystar júrgizdi. Aýyz sý barlyq tutynýshylarǵa keshke deıin jetedi. Qazir qysymdy synaý jáne sý qysymyn retteý júrgizilýde.
«Sý toqtatylǵan ýaqyttan bastap «Almaty Sý» kásiporny aýdandaǵy sý eseptegishteri joq tutynýshylarǵa tólem jasaý úshin, qaıta eseptep beredi», - dedi kompanııa.
Eske salsaq, Almatyda sel júrý qaýpinen keıin úsh shaǵyn aýdan aýyzsýsyz qalǵan edi.
