Almatyda sel qaýpine baılanysty qaýyrt jeli ashyldy
ALMATY. QazAqparat – Almatynyń Naýryzbaı aýdanynda bolǵan selge baılanysty qalalyq TJD qaýyrt jelini iske qosty, dep habarlaıdy QazAqparat tilshisi.
«Selden japa shekkender nemese qaýip tóngen adamdar 278 20 84 nómirine habarlasa alady. Baılanys nómiri táýlik boıy jumys isteıdi», - dedi qalalyq TJD ókilderi.
Aıta ketý kerek, búgin Almatyda Naýryzbaı aýdanynda az mólsherde sel júrdi. TJD ókilderi halyqty qulaqtandyryp úlgerdi.
Qala ákimi Baqytjan Saǵyntaev oqıǵa ornyna shuǵyl attandy.
Qalalyq TJD ókilderi Qarǵaly ózenindegi ahýal týraly baıandady. Mamandardyń aıtýynsha, alańdaýǵa esh negiz joq.
