Almatyda sel qaýpi seıilgen joq
Almaty taýlaryndaǵy morenaldyq kólderdiń jaǵdaıyn jan-jaqty baǵalaý maqsatynda «Qazseldenqorǵaý» memlekettik mekemesi men Almaty qalalyq Tótenshe jaǵdaılar departamenti aerovızýaldyq tekserý júrgizdi.
Jalpy Almaty qalasynyń aýmaǵynda barlyǵy 45 morena kóli bar, onyń ishinde 12 kól asa qaýipti bolyp sanalady.
Tekserý nátıjeleri boıynsha temperatýralyq fonnyń kóterilýine baılanysty muzdyqtarda qardyń erýi anyqtaldy, olar qardan shamamen 25-75% - ǵa bosatyldy.
Barlyq morenaldyq kólder toltyrý rejıminde, sý deńgeıi qaýipti kórsetkishterge jetpegen, muzdyqtardyń qarqyndy ablıatsııasy baıqalmaıdy.
Qazirgi ýaqytta 8 kólde aldyn alý jumystary bastaldy, evakýatsııalyq arnalardy tazartý, ony tereńdetý, sıfon qubyrlaryn ornatý jáne montajdaý júrgizilýde. Sondaı-aq sorǵy qondyrǵylary iske qosyldy, belgilengen 9 sıfon jelisi boıynsha sý aǵyzylyp, sondaı-aq «Qazavıaqutqarý» AQ áýe borttarymen kólderge ónimdiligi joǵary polıetılen qubyrlarynyń sorǵylaryn jetkizý qamtamasyz etildi. Aldyn alý jumystaryn júrgizý úshin 90 adam jumyldyryldy.
Morenaldyq kólderdiń jaı-kúıine baqylaý júrgizý úshin turaqty negizde jumys isteıtin 22 gıdrometeorogııalyq beket bar. Búgingi tańda sý buldyrlyǵy baıqalmaıdy. Temperatýralyq fonnyń kóterilýine baılanysty morenalyq kólderdi aerovızýaldy tekserý aptasyna 2 ret júrgiziledi.
