Almatyda sel qaýpi seıildi
ALMATY. QazAqparat – Almaty turǵyndary úshin sel qaýpi seıildi. Qarǵaly ózeniniń arnasynda sý shtattyq rejimde aǵyp jatyr, dep habarlaıdy QazAqparat tilshisi QR ІІM Tótenshe jaǵdaılar komıtetiniń baspasóz qyzmetine silteme jasap.
Sońǵy áýe barlaý nátıjesi boıynsha №1 muz kólinde sý deńgeıi 6-7 metrge tómendegeni anyqtaldy. 20-25 myń tekshe metr sý aǵyzylǵan.
«Qazseldenqorǵaý» MK mamandarynyń aıtýynsha, bul sý basýdy tasqyn dep qarastyrýǵa bolmaıdy. Óıtkeni, tas, qum, laı bolǵan joq. Sýdyń laılylyǵy tómendep keledi. Naýryzbaı, Alataý, Áýezov aýdandarynda baqylaý men qaýipsizdik sharalary úshin arnaıy jumyskerler men tehnıka kúzetke turady», - dedi TJK baspasóz qyzmeti.
Qarǵaly ózeniniń aǵyny shtattyq rejimge kóshti. Plotına aımaǵynda ahýaldy «Qazseldenqorǵaý» MK mamandary baqylap otyr. Bógetten tómen Alataý aýdanyna deıin TJD mamandarynyń qaraýynda.
Aýlalardy, kóshelerdi sý basý jaǵdaılary tirkelmedi.
