Almatyda Sektadan saqtan" degen jıyn ótip jatyr

Oǵan Qazaqstan musylmandary dinı basqarmasynyń Din isteri bóliminiń meńgerýshisi Tynyshtyq Myrzaev, Ýaǵyz-nasıhat bóliminiń qyzmetkeri Asylbek Noǵaev jáne ýnıversıtettiń stýdentteri men oqytýshylary qatysýda.

"Jastarymyzdyń boıynda dinı senimdi qalyptastyrý qoǵamdaǵy kókeıkesti máseleniń biri. Óıtkeni din - ótkir, ári názik másele. Jastarymyzdyń dinge bet burǵanyna qýansaq ta, olardyń ár túrli dinge tartýshylardyń jetegine erip ketýi alańdatady. Keıbir otbasy músheleri ár túrli dinge kirgendikten, ákesi bir jaqta, sheshesi bir jaqta, balalary bólek-bólek ketip, shańyraqtary ortasyna túskenderi de az emes. Olar ózderiniń adasqandaryn birden uǵyna almaı qalady", - deıdi joǵary oqý ornynyń jurtshylyqpen baılanys qyzmetiniń mamany Álııa Asmaǵulova. Onyń aıtýynsha, mundaı jaǵdaılar ásirese jastardyń ortasynda qatty tolqýshylyq týdyratyny sózsiz. Keıbir teris aǵymnyń ókilderi olardyń bastaryn aınaldyryp: «Kúndelikti ómir qajet emes, bul jalǵan ómir. Jumys isteý, áskerge barý, qajetsiz oqý kerek emes, degen teris pikir qalyptastyrýda. Sol sebepti búgingi shara jastardyń dinı saýattylyǵyn arttyrý maqsatynda uıymdastyrylyp otyr.