Almatyda seksýaldy quldyqtan taǵy bir qyz azat etildi - ІІD
ALMATY. 27 sáýir. QazAqparat /Ádilet Musahaev/ - Almatyda seksýaldy quldyqtan taǵy bir qyz azat etildi7 Bul joly qylmyskerlerdiń qolyna Qyzylorda oblysynyń Jańaqorǵan aýdanynyń 21 jastaǵy turǵyny ilikken. Jas qyzdy turǵan jerinen aldaý arqyly urlap áketken.
Kóztanys adamdary oǵan Almatydan eńbekaqysy joǵary jumys taýyp beremiz dep «meıirimdilik» tanytqan.
"Qyzdy bir aı buryn bizdiń qalamyzǵa jetkizgen bolý kerek. Ony urlap ákelýshiler, óz tutqynyn Almatydaǵy Túrksib aýdanyndaǵy «Kleopatra» qonaqúıinde ustaǵan. Esterińizde bolsa, osy qonaqúıden osyndaı jaǵdaıǵa túsken taǵy bir qyzdy azat etken bolatynbyz. Barlyq osy aıǵaqtar, bul mekeme ıelerin qylmystyq jaýapkershilikke tartýǵa negiz boldy",-deıdi Almaty qalasy ІІD-niń osyndaı qylmyspen kúres basqarmasynyń bastyǵy Valerıı Kozlov.
Atalǵan aýyr qylmystardy 24 pen 26 jas shamasyndaǵy úsh jigit jasaǵan. Onyń ekeýi Ońtústik Qazaqstan oblysynyń turǵyny bolsa, bireýi buzaqylyqǵy úshin qylmystyq jaýapqa tartylyp úlgergen Almaty oblysyń azamaty.
"Qylmyskerlerdiń baı tájirıbesin eskere otyryp, olardyń basqa da qylmystarǵa qatysyn tekserýdemiz. Qyzylordalyq qyz olardyń alǵashqy qurbany emes ekendigi belgili. Ustalǵandardyń ústinen QR QK-niń 125 baby boıynsha (adam urlaý) qylmystyq is qozǵaldy", dep atap ótti óz sózinde V. Kozlov.
Seksýaldy quldyqtan bosaǵan qyz tártip saqshylaryna túsinikteme berýde. Oǵan mindetti túrde psıhologııalyq kómek kórsetiledi.
