Almatyda sekseýildi qorǵaýǵa shaqyratyn «4 tonna qum» art-qondyrǵysyn alyp tastady
ALMATY. QazAqparat - Almatyda jaqynda ornatylǵan «4 tonna qum» art-ınstallıatsııasy alynyp tastaldy, dep habarlaıdy QazAqparat tilshisi.
Sekseýildi qorǵaýǵa shaqyratyn «4 tonna qum» art-qondyrǵysy Almatynyń Qurmanǵazy jáne Baıseıitova kósheleriniń qıylysyndaǵy saıabaqta 9 qazan kúni ornatylǵan bolatyn.
«Bul ýaqytsha qoıylǵan ınstallıatsııa edi. Qazir qondyrǵy Іle Alataýy ulttyq parkinde. Biz ony kelesi jyly aktsııa aıasynda Tarazda nemese Shymkentte ornatýdy josparlap otyrmyz», - dep túsindirdi BUUDB.
Atalmysh art-nysannyń ashylý rásiminde QR Ekologııa, geologııa jáne tabıǵı resýrstar vıtse-mınıstri Erlan Nysanbaev, «osyndaı ınstallıatsııa arqyly biz kórneki túrde sekseýildi shabýdyń nátıjesinde shóleıttenýdiń qandaı saldary bolatynyn kórsetkimiz keldi», - dep atap ótken bolatyn.
Art-nysanda qummen kómkerilgen úıdi kórýge bolatyn. Qum Almaty qalasynan 160 shaqyrym jerdegi Baqbaqty aýylynan jetkizilgen. «4 tonna qum» art-jobasy ekologııalyq mádenıet deńgeıin arttyrýǵa, ósimdikterdiń biregeı túrlerine qamqorlyq tanytýǵa baǵyttalǵan. Sondaı-aq, sekseýildi saqtaýdyń mańyzdylyǵyn uǵyndyrýǵa jáne ony otyn retinde paıdalanýdan bas tartýǵa shaqyrdy.
