Almatyda segizinshi jyl qatarynan dástúrli BAIQONYR kınofestıvali ótedi
Kınofestıvaldiń mıssııasy - kınematograftyń damýyna járdemdesý, talantty avtorlardy qoldaý jáne qazaqstandyq mádenıetti álemdik kıno qoǵamdastyǵyna yqpaldastyrý.
Bıylǵy jyldyń basty tosyn syıy jańa halyqaralyq baıqaý bolmaq - 8-shi kınofestıvalge qysqametrajdy ǵana emes, sonymen qatar debıýttik tolyqmetrajdy fılmder da qatysa alady.
Aıta keteıik, festıval prezıdenti Ánýar Kenjebaev jaqynda ótken Qazaqstan kınosynshylary qaýymdastyǵynyń «Synshylar tańdaýy» jeńimpazdaryn marapattaý rásiminde laýreattar qatarynan kórindi.
Bul jıynda ol «Festıval qozǵalysyna qosqan úlesi úshin» arnaıy júldesine ıe boldy.
Festıvaldiń biregeıligi - ol osy jyldar boıy memlekettiń qarjylyq qoldaýynsyz ótkizilip keledi.
Baiqonyr-2023 baıqaý baǵdarlamasy mynadaı:
- halyqaralyq debıýttik tolyqmetrajdy kórkem fılmderdiń baıqaýy;
- halyqaralyq kórkem jáne derekti qysqametrajdy fılmder baıqaýy;
- ulttyq kórkem jáne derekti qysqametrajdy fılmder baıqaýy.
Baıqaýlardyń árqaısysyn bedeldi qazylar alqasy baǵalaıdy.
Konkýrstan tys baǵdarlama da aýqymdy bolmaq.
Ol jerde TMD elderiniń kınotanýshylary men synshylarynyń II forýmy ótedi, onyń jumysyna 30-dan astam sheteldik maman qatysady.
Bilim baǵdarlamasynda tanymal rejısserler men akterlerden master klass, vorkshoptar men dárister, kınoındýstrııanyń ózekti máseleleri boıynsha dóńgelek ústelder qamtylǵan.
VIII BAIQONYR Film Festival konkýrstyq baǵdarlamasyna qatysýǵa ótinim qabyldaý 5 mamyrda bastalady.
Halyqaralyq konkýrstarǵa ótinim - 1 shildege deıin, ulttyq konkýrstarǵa - 1 tamyzǵa deıin qabyldanady.
Festıval TMD memleketteriniń memleketaralyq gýmanıtarlyq yntymaqtastyq qorynyń qoldaýymen ótedi.
