Almatyda segiz jasar bala joǵalyp ketti
ALMATY. QazAqparat - Almatyda segiz jastaǵy balaǵa izdeý salyndy, dep habarlaıdy QazAqparat tilshisi.
Oqýshynyń joǵalǵany týraly aqparatty áleýmettik jelige volonterler jarııalady.
Gúlnar Ageevanyń aıtýynsha, 20 qazanǵa qaraǵan túni ata-anasy uıyqtap jatqanda bala úıden ketip qalǵan.
«Bala ústine qara sport shalbaryn, aıý beınelengen sur jempir jáne qara-jasyl kamýflıaj órnegi bar kúrte kıgen. Boıy - 140 sm, dene bitimi ortasha» delingen habarlamada.
Onyń Naýryzbaı batyr, 26/1 (Maqataev buryshy) mekenjaıyndaǵy úıden shyqqany belgili boldy.
Almaty qalalyq polıtsııa departamentiniń málimetinshe, bala áli tabylǵan joq. Іzdeý sharalary júrgizilip jatyr.
