Almatyda Saıyn kóshesiniń batys baǵytynda jóndeý jumysy aıaqtaldy

ALMATY. QazAqparat – Almatyda bıyl joldardy ortasha jóndeý jospary aıasynda Saıyn kóshesine Úlken Almaty kanaly boıynan Móńke bı kóshesine deıin jóndeý jumystary júrgizilip jatyr. Qazir joldyń batys jaǵynda jóndeý jumysy aıaqtaldy, qozǵalys ashyq. Kelesi kezeńde joldyń shyǵys jaǵy ortasha jóndeýden ótedi, dep habarlaıdy QazAqparat tilshisi Almaty ákimdigine silteme jasap.

Jol qozǵalysy qaýipsizdigin qamtamasyz etý men Saıyn kóshesinde ÚAK boıynan Móńke bı kóshesine deıin ortasha jóndeý júrgizý kezinde kólik júrý qabiletin arttyrý úshin mynadaı sharalar qabyldanady:

- 23 shilde saǵat 21:00-den 25 shilde saǵat 07:00-ge deıin joldyń shyǵys jaǵynda tolyq jabylatyn polımerli asfaltbeton jabyndysyn tóseý boıynsha jumystar júrgiziledi.

- qozǵalys qaýipsizdigin qamtamasyz etý úshin patrýldik polıtsııanyń 6 ekıpajy jumyldyrylady, saǵatyna 40 shaqyrym jyldamdyqty shekteý belgisi ornatylady. Jolaq retinde konýs tıpti shaǵylysýshy chıpter qoıylady.

«Reversıvti qozǵalys bastalar tusta eki qaptalynan da kóliktiń arasyn bóletin qorshaýlar bolady. Jol jóndeý jumystary týraly sońǵy aqparat qala ákimdigi men qalalyq mobıldilik basqarmasynyń resmı paraqshalarynda. Sondaı-aq 2GIS qosymshasynda kórsetilgen», - delinedi ákimdiktiń habarlamasynda.