Almatyda saıt jasaýshylardyń chempıonaty ótip jatyr
ALMATY. 13 qyrkúıek. QazAqparat /Erbol Azanbek/ - Búgin Almatyda saıt jasaýshy mamandardyń tuńǵysh chempıonaty bastaldy. Chempıonattyń uıymdastyrýshysy "Qazaqstan Pırattar partııasy" qoǵamdyq uıymy.
Buryn-sońdy ótkizilmegen saıysqa Qazaqstannyń ár aýmaǵynan 14 ІT mamany qatysýda. Olar uıymdastyrýshylar tarapynan usynylǵan 12 taqyryp boıynsha saıt jasaýdan synǵa túsedi.
Chempıonatty qoldaǵan Almaty qalalyq Tótenshe jaǵdaılar departamenti bastyǵynyń orynbasary ıÝrıı Ilınniń aıtýynsha saıystyń basty maqsaty - tek úzdik saıt jasaýshyny anyqtaý ǵana emes. «Basty maqsattyń biri - Tótenshe jaǵdaılar kezinde aqparat beretin jáne Úkimettik emes uıymdarǵa áleýmettik maqsattaǵy saıttardy jasap berý»,- dedi ol.
Chempıonat qorytyndysy boıynsha «Tótenshe jaǵdaı kezinde izdeý júıesi», «Tótenshe jaǵdaı kezinde qyzmet kórsetýshiler resýrsy» saıttary jasalyp, «Quqyqtyq bastama qoǵamdyq qory», «Qyzyl jarty aı qoǵamnyń Aqtóbe oblystyq fılıaly», «Áýezov aýdanynyń múgedekter qoǵamy» jeke saıtqa ıe bolady. Jasalǵan saıttar qyzyqty, tartymdy, yńǵaıly bolýy tıis. Bul boıynsha Qazaqstannyń birinshi saıt jasaýshy chempıony anyqtalady.
Chempıonattyń bas demeýshisi - «Beeline» baılanys operatory ókilderiniń aıtýynsha, chempıonǵa baǵaly syılyqpen qatar bolashaqta saıt jasaý jobalaryna qatysý usynylady. Chempıonat 15 qyrkúıekke deıin jalǵasady. Aıta keteıik, chempıonatqa qatysýshylardyń jumystarymen www.emer-almaty.kz saıtynda tanysyp, baǵa berýga bolady.
