Almatyda saıt arqyly klıent taýyp, ıntım qyzmet kórsetken jezóksheler ustaldy
ALMATY. QazAqparat – Almatyda «Drýg Vokrýg» saıty jezóksheler týraly jarnama bergen, dep habarlaıdy QazAqparat tilshisi ІІM silteme jasap jasap.
Krımınaldyq polıtsııa qyzmetkerleri «Drýg Vokrýg» saıty arqyly ıntım qyzmet kórsetýmen aınalysqan jezóksheler prıtonyn anyqtady.
«Jeńil júristi qyzdar óz klıentterine jaldamaly páterlerde aqyly jynystyq qyzmetter kórsetken. Ótken túnde polıtsııa qyzmetkerleri osyndaı úsh prıtondy anyqtap, onyń bireýinde Ózbekstan eliniń 31 jastaǵy azamatshasy qyzmet kórsetkeni belgili boldy. Al páter qojaıyndary jezókshelerge múmkindik jasaǵandary úshin jaýapkershilikke tartyldy. Sonymen qatar, turǵyn úı páterleriniń birinde massaj salonynyń atyn jamylyp, jezókshelikpen aınalysýǵa múmkindik jasaǵan eki páter áshkerelendi. Atalǵan páterlerden bes jeńil júristi qyz ben bir jeńgetaı ustaldy», – dedi Krımınaldyq polıtsııa basqarmasynyń bastyǵy Erkin Іńkárov.
Onyń aıtýynsha, reıd barysynda anyqtalǵan barlyq jezóksheler Polıtsııa basqarmasyna jetkizilip, uıymdastyrylǵan mobıldik medıtsınalyq zerthanada JITS-qa taldaý júrgizý úshin qan tapsyrdy.
