Almatyda Saıran kólinen jigittiń denesi tabyldy
ALMATY. QazAqparat - Almatyda táýlik boıy izdestirilgen 29 jastaǵy Nurlan Turlyqojanyń denesi Saıran kóliniń batys jaǵalaýynan tabyldy. Bul týraly QazAqparat tilshisine QR ІІM TJK resmı ókili Rýslan Imanqulov aıtty.
Marqumnyń jaqyndarynyń aıtýynsha, jas jigit tanystarymen birge Saıran kóline demalýǵa ketken. Sodan qaıtyp oralmaǵan soń týystary dabyl qaqty.
«TJK respýblıkalyq jedel qutqarý jasaǵy men Almaty ákimdiginiń qutqarý qyzmetiniń ókilderi tańǵy 8:30-den izdestirý jumystaryn júrgizgen. Jigittiń denesi tańǵy 10:02-de Saıran kóliniń batys jaǵalaýy tusynan tabyldy. Kóldiń bul tusy shomylýǵa arnalmaǵan. Іzdestirý jumystaryna 20 qutqarýshy, arnaıy tehnıka men qaıyqtar jumyldyryldy», - dedi Rýslan Imanqulov.
TJK resmı ókiliniń habarlaýynsha, jyl basynan beri 49 adam sýǵa batqan. Onyń ishinde 19 bala bar. Byltyr bul ýaqytta 88 adam, onyń ishinde 49 bala kóz jumǵan.
«Qaıǵyly jaǵdaılardyń kópshiligi tyıym salynǵan jerlerde mas kúıinshe shomylýdyń kesirinen bolady. Sonymen qatar adamdar óziniń shamasyna qaramaıdy. Balalardyń barlyǵy derlik úlkenderdiń qaraýynsyz júrgen. Balyq aýlaǵanda da qaýipsizdik talaptary saqtalmaıdy», - dedi Rýslan Imanqulov.
