Almatyda saılaý jóninde málimet beretin Call-ortalyq ashyldy

Bul týraly onlaın brıfıng barysynda Almaty qalasy aýmaqtyq saılaý komıssııasynyń tóraıymy Janna Asanova málim etti, dep habarlaıdy QazAqparat tilshisi.

Óziniń daýys beretin saılaý ýchaskesin teksergisi keletin jáne daýys berýge qatysý jóninde málimet alǵysy keletin qala turǵyndary 221-10-01 nómirindegi biryńǵaı Call -ortalyqqa habarlasyp, maǵlumat ala alady. Ol jerde aranaıy oqýdan ótken mamandar saılaýǵa qatysty barlyq zańnama normalaryn túsinidirip beredi.

Almaty qalasy aýmaqtyq saılaý komıssııasynyń tóraǵasy Janna Asanovanyń aıtýynsha, bul Call-ortalyqty ashýdaǵy basty maqsat – qala turǵyndaryna keńinen aqparat berip, olardyń saılaýǵa belsene qatysýyn qamtamasyz etý.

Saılaýǵa 18 jasqa tolǵan Qazaqstannyń barlyq azamaty qatysa alady. Bul olardyń Konstıtýtsııalyq quqyǵy. Degenmen saılaýda daýys berý úrdisi Qazaqstan Konstıtýtsııasymen qatań belgilengen. Azamattar aldymen daýys berý tiziminde bolýy shart, ıaǵnı naqty bir daýys berý ýchaskesindegi tizimde. Ol azamattardyń naqty turǵylyqty jeri boıynsha jasalady. Osy maqsatta biz Call-ortalyqty ashyp otyrmyz. Qala turǵyndary ol jerge habarlasyp, naqty qaı ýchaskede turǵanyn bile alady»,-deıdi Janna Asanova.

Eske salaıyq, QR Parlamenti Májilisi men Máslıhat depýtattaryn saılaý 2021 jyldyń 10 qańtaryna belgilengen.