Almatyda saılaý ýchaskeleri qajetti sanıtarlyq quraldarmen jabdyqtaldy
2021 jyldyń 10 qańtarynda QR Parlamenti Májilisi men qalalyq máslıhattar depýtattaryn saılaý ótedi.
QR «Saılaý týraly» Zańynyń 20-babynyń 10-tarmaǵyna sáıkes jergilikti ózin-ózi basqarý organdary saılaý komıssııalaryna olardyń ókilettikterin júzege asyrýyna járdemdesýge mindetti.
Búgingi tańda Almatyda barlyq aýmaqtyq saılaý komıssııalary (1 qalalyq, 8 aýdandyq) jeke kabınettermen, jıhazben, keńse tehnıkasymen jáne baılanyspen qamtamasyz etilip, ınternetke qosylǵan. Saılaý ýchaskelerin jabdyqtaý maqsatynda búgingi tańda qajetti quraldar satyp alynyp, ýchaskelerge jetkizildi. Olardyń ishinde statsıonarlyq jáne tasymaldanatyn jáshikter, jasyryn daýys berý kabınasyna arnalǵan matalar, syrtqy jáne ishki aqparattyq stendter jáne t.b. bar. Búgingi kúni qalada 581 saılaý ýchaskesi bar.
QR Bas memlekettik sanıtarlyq dáriger bekitken algorıtmge sáıkes, árbir saılaý ýchaskesinde saılaý ótkizý kezinde koronavırýs ınfektsııasynyń taralýynyń aldyn alý jáne sanıtarlyq-epıdemıoogııalyq qaýipsizdikti jáne azamattardyń densaýlyǵyn qorǵaýdy qamtamasyz etý boıynsha qajetti jumystar júrgizildi.
Atap aıtqanda, megapolıste sanıtarlyq qaýipsizdikti qamtamasyz etý maqsatynda saılaý ýchaskelerin sanıtarlyq qorǵaý quraldarymen jabdyqtaý máselesi sheshildi:
- Medıtsınalyq bir rettik maskalar (saılaýshylar úshin);
- baılanyssyz ınfraqyzyl teplovızorlar;
- qashyqtyqty saqtaý úshin tańbalaý taspalarynyń oramdary jáne t. b.
Eske salaıyq, Parlament Májilisiniń depýtattaryn saılaý jalpyǵa birdeı jáne tikeleı saılaý quqyǵy negizinde partııalyq tizimder boıynsha jasyryn daýys berý jolymen júzege asyrylady. Ár saılaýshy óz daýsyn bir ret jáne tek bir ǵana úmitkerge bere alady.
Óz saılaý ýchaskeńizdi baılanys ortalyǵynan aptasyna 7 kún, saǵat 8:00-den 20:00-ge deıin jumys isteıtin 221-10-01 biryńǵaı tegin nómiri boıynsha bilýge bolady. Sondaı-aq Telegram-bottyń @sailau_almaty kómegimen jáne «Open Almaty» onlaın-servısterinen aqparat alýǵa jáne https://service.almaty.kz/ru.saılaýshylar tiziminen ózińizdi tekserýge bolady.