Almatyda saılaý kúni 60 bala dúnıege kelgen

ALMATY. QazAqparat - Almatyda saılaý kúni, ıaǵnı 20 qarashada 60 bala dúnıege kelgen, dep habarlaıdy QazAqparat tilshisi.

«19 qarasha túngi 00.00-den 20 qarasha 00.00-ge deıingi bir táýlikte Almaty perzenthanalarynda 60 bala dúnıege kelgen. Onyń 26-y ul bala, 34-i qyz bala», - dep habarlady densaýlyq saqtaý basqarmasynan.

Jalpy elimizde saılaý kúni 634 sábı dúnıege keldi. Onyń ishinde 6 egiz bar. Barlyǵy 328 ul jáne 306 qyz bala dúnıe esigin ashty.

Keshe, 20 qarashada kezekten tys prezıdent saılaýy ótti.

Búgin QR Ortalyq saılaý komıssııasy Prezıdent saılaýynyń aldyn ala nátıjesin jarııalady.