Almatyda saıası qýǵyn-súrgin qurbandaryn aqtaý isine volonterler tartylady

ALMATY. QazAqparat - Almatyda Saıası qýǵyn-súrgin qurbandaryn aqtaý jónindegi komıssııanyń jumysyna volonterler tartylady, dep habarlaıdy QazAqparat tilshisi.

Almatyda qala ákiminiń orynbasary Erjan Babaqumarovtyń tóraǵalyǵymen Respýblıka Prezıdentiniń Jarlyǵyna sáıkes qyzmeti bastalǵan saıası qýǵyn-súrgin qurbandaryn aqtaý jónindegi qalalyq komıssııanyń otyrysy ótti.

Komıssııanyń negizgi mindeti — saıası qýǵyn-súrgin qurbandarynyń barlyq sanattary úshin tarıhı ádilettilikti qalpyna keltirý.

Erjan Babaqumarov Qazaqstan Táýelsizdiginiń 30 jyldyǵyn eskere otyryp, qalalyq komıssııa jumysynyń mańyzdylyǵyn atap ótti.

Qalalyq komıssııa tóraǵasynyń orynbasary, tarıh ǵylymdarynyń doktory B. Jangýtın izdeý sharalaryn uıymdastyrý úshin stýdent jastar arasynan eriktilerdiń jańa jumys tobyn qurǵanyn aıtty.

Sonymen qatar, qosylystar týraly aqparat jarııalandy.

Reseı Federatsııasynyń memlekettik ǵylymı muraǵattarymen (Máskeý qalasy), «tikeleı telefonynyń» 398 58 22 qala turǵyndary men qala qonaqtaryna baılanysty qyzmeti, sonymen qatar jalpy izdeý jáne ǵylymı is-sharalar týraly komıssııa.

Otyrystyń jumysyna jumys toptarynyń basshylary Sh. Zabıh, M. Gýbaıdýllına, A. Óteǵalıeva, N. Alpysbaeva, B. Qabdýshev, G. Nurymbetova, G. Muqanova, T. Qultaev, Z. Tólenova qatysty.

Keńes jumysyn qorytyndylaǵan Erjan Babaqumarov qalalyq komıssııanyń zertteýleri, ǵylymı jumystary, ǵalymdarǵa barlyq memlekettik, qalalyq jáne arnaıy arhıvterge qoljetimdi ekenin atap ótti jáne kómek kórsetý boıynsha naqty tapsyrmalar berdi.