Almatyda saıabaqtar, fıtnes ortalyqtar 3 maýsymnan bastap ashylady
ALMATY. QazAqparat – Almatyda birqatar kásipkerlik sýbektiler 3 maýsymnan ashylady, dep habarlaıdy QazAqparat tilshisi.
«2020 jyldyń 3 maýsymynan sanıtarlyq talaptardy qatań saqtaǵan jaǵdaıda
30 adamnan aspaıtyn kólemde oqý jattyǵý jumysyn júrgizý úshin sport nysandary;
Dene shynyqtyrý saýyqtyrý oryndary (fıtnes klýbtar, jattyǵý zaldary);
Bilim ortalyqtary men úıirmeler (aldyn ala jazylý arqyly);
Balalarǵa arnalǵan túzetý ortalyqtary;
Saıabaqtar men skverler ashylady», - delingen qalalyq bas sanıtarlyq dáriger Jandarbek Bekshınniń qaýlysynda.
Nysan basshylary sanıtarlyq talaptardy tolyq oryndaý kerek.
Ótken aptada Almatyda HQKO, saýda oıyn saýyq ortalyqtary ashylǵan bolatyn.
Alaıda arnaıy komıssııa keıbir nysandardyń jumysynan sanıtarlyq talaptardyń buzylǵanyn anyqtady.
30 mamyrdan bastap meshitterdiń esigi ashyldy. 1 maýsymnan bastap saýna, spa-salondar, monshalar ashyldy.
