Almatyda saýsaǵy úsigen oqýshy aýrýhanaǵa tústi
ALMATY. QazAqparat - Almatyda saýsaǵy úsigen oqýshy aımaqtyq balalar aýrýhanasyna tústi, dep habarlaıdy QazAqparat tilshisi.
Balanyń ahýaly týraly medıtsınalyq mekemeniń dárigerleri aıtyp berdi.
«Balanyń qoldarynyń 3 saýsaǵyn 1-3 dárejeli 2% úsik shalǵan. Patsıent konservatıvtik em qabyldap jatyr. Operatsııa jasaý qajettiligi joq. 2 aptadan soń úıine jiberiledi», - dedi Almaty aımaqtyq balalar aýrýhanasy dırektorynyń medıtsınalyq jumystar boıynsha orynbasary Asqar Qalıev.
Aıta ketý kerek, Almatyda 24-26 aralyǵynda 11 adam úsik shalý dıagnozymen aýrýhanaǵa jetkizilgen.
Qalalyq Densaýlyq saqtaý basqarmasynyń habarlaýynsha, jedel járdemge úsh kún ishinde 24 adamnan qońyraý túsken.
«Onyń ishinde 10 adamǵa sol jerde medıtsınalyq kómek kórsetildi. Olar ary qaraı ambýlatorııalyq em qabyldap jatyr. 11 adam qalalyq aýrýhanalarǵa jetkizilip, olarǵa qabyldaý bóliminde medıtsınalyq kómek kórsetildi. Onyń 3-i bala. Taǵy 3 adam oblystyq aýrýhanalarǵa baǵyttaldy», - dedi qalalyq Densaýlyq saqtaý basqarmasynyń baspasóz qyzmetinen.
