Almatyda saýna órtendi
Órttiń vıdeosy áleýmettik jelide paıda boldy.
Almaty qalalyq Tótenshe jaǵdaılar departamentiniń habarlaýynsha, 28 qazan kúni keshki saǵat 20:02 mınýtta órt sóndirýshiler Alataý aýdany, Sýhambaev kóshesi 21 meken-jaıy boıynsha joǵary dárejege shaqyrtý boıynsha attandy.
«Órt sóndirý brıgadasy oqıǵa ornyna 5 mınýtta jetti. 2 qabatty keshenniń tóbesinde ornalasqan saýna órtenip jatty. Tilisiz jaýdyń japsarlas ǵımaratqa taralý qaýpi týyndady. Dereý órtti sóndirý jáne qorǵaý úshin órt oqpandary engizildi, shtab qurylyp, eki órtke qarsy jaýyngerlik ýchaske quryldy. Gaz-tútinnen qorǵaý qyzmetiniń býyndary adamdardyń bar joǵyna barlaý jumystaryn júrgizdi»,- dep habarlady vedomstvadan.
Órt bir saǵat ishinde saǵat 20:46-da tolyq sóndirildi. Qabyldanǵan sharalardyń arqasynda keshenniń birinshi jáne ekinshi qabaty (saýda oryndary, dene shynyqtyrý zaly) órtten aman qaldy.
