Almatyda sáýirdiń basynda joǵalǵan áıel izdestirilip jatyr
Almaty. QazAqparat - Almaty polıtsııasynyń úndeýimen 41 jastaǵy joǵalǵan áıeldi izdeýge Kókshetaý polıtsııasy da kiristi. Bul týraly QazAqparat tilshisine Almaty qalasy ІІD baspasóz qyzmeti habarlady.
Joǵalǵan áıeldiń týystarynyń aıtýynsha, Tahmına Emerova 4 sáýirden bastap baılanysqa shyqpaǵan.
«Biz Áýezov aýdandyq ІІB-ge Tahmınanyń joǵalǵany jaıly málimdedik. Ázirge onyń Kókshetaýǵa bılet alǵany belgili bolyp otyr. Ol sońǵy ret óz aǵasyna dos qyzynyń úıine baratyny jaıly habarlaǵan», - deıdi Tahmınanyń ápkesi Zarına Muhamedova.
Qolda bar málimetke oraı, Almaty qalasy quqyq qorǵaý qyzmetiniń mamandary joǵalǵan áıeldi izdeýdi bastap, Kókshetaýdaǵy áriptesterine aqparat bergen.
«Tahmına Emerovanyń joǵalǵany týraly aryz onyń týystarynan Áýezov aýdandyq ishki ister basqarmasyna túsken. Qylmystyq polıtsııa qyzmetkerlerinen turatyn operatıvti top quryldy. Qazir olar áıeldiń barýy múmkin mekenjaılary men ózge de aqparattardy anyqtaýmen aınalysyp jatyr. Kókshetaýdaǵy áriptesterimiz de barynsha kómektesip jatyr», - deıdi Almaty qalasy ІІD baspasóz qyzmetiniń jetekshisi Saltanat Ázirbek.
Esterińizge sala ketsek, 41 jastaǵy áıeldiń joǵalǵany jaıly onyń týystarynan belgili boldy. Tahmına Emerova esh habarsyz ketken soń onyń týystary dabyl qaǵyp otyr.
