Almatyda sáýir aıynda 40 adamdy kene shaqty
ALMATY. QazAqparat – Almatyda sáýir aıynda 40 adamdy kene shaqqan. Bul týraly brıfıng barysynda qalalyq jedel shuǵyl kómek kórsetý aýrýhanasynyń qabyldaý bóliminiń meńgerýshisi Baýyrjan Omarov aıtty, dep habarlaıdy QazAqparat tilshisi.
Bıyl 1 sáýir men 30 sáýir aralyǵynda Almaty qalalyq jedel shuǵyl kómek kórsetý aýrýhanasyna kene shaqqan 40 eresek adam túsken.
«Aýrýhanada zardap shekken 16 adamnyń denesinen kene shyǵaryp alyndy, 15 adam keneni ózderi alyp tastasa, 9 adam denesindegi kenemen birge aýrýhanaǵa jetkizildi. Aýrýhýnaǵa kene shaǵýmen júgingen 40 adamnyń bárine «kene ımýnoglıbýleni» salyndy», - dedi dáriger.
Ol sondaı-aq, Almaty boıynsha kene shaǵý yqtımaldyǵy joǵary aımaqtardy atady.
«Olarǵa «Kóktóbe», «Býtakovka», «Medeý», «Alma-arasan» shatqaldary kiredi. Keneler naýryz aıynan qazan aıyna deıin belsendi bolady. Olardyń eń qaýipti bolý kezeńi: naýryz, maýsym aılary. Olar kóbine shópte, butalarda bolady, tipti, aǵashqa da órmeleýi múmkin. Qala ishinde saıabaqtarda, jaıaý júretin joldardyń janynda, bıik shóp ósetin jerlerde kezdesedi. Keneler kún sáýlesin unatpaıdy, kóleńkege tyǵylady. Sondyqtan qaýipti aımaq taýly jerler bolyp tabylady», - dedi Baýyrjan Omarov.
Aıta keteıik, 5 sáýir kúni Almatyda kenege qarsy dezınsektsııa jumystary bastalǵan bolatyn.
