Almatyda Saýdakent bazarynan órt shyqty
Almaty qalalyq tótenshe jaǵdaılar departamentiniń málimetinshe, 28 tamyzda túngi saǵat 02:09 shamasynda órt sóndirý brıgadasy Jetisý aýdanyndaǵy, Raıymbek dańǵyly, 237 B. «Saýdakent» saýda ornyna joǵary dárejedegi shaqyrtý boıynsha jiberildi.
«Alǵashqy órt sóndirý bólimsheleri 6 mınýtta kelgen sátte, bazar aýmaǵynda ornalasqan 260 sharshy metr alańda bir qabatty dámhana ashyq jalynmen janyp jatqany anyqtaldy. Jaqyn ornalasqan qurylystarǵa ottyń taralý qaýpi joǵary boldy. Atqaryǵan sharalar nátıjesinde kórshi qurylystarǵa órttiń taralýyna jol berilmedi. Jalyn saǵat 02.39-da oqshaýlandyrylyp, 02.44-te tolyq sóndirildi», - dep habarlady qalalyq TJD baspasóz qyzmetinen.
Jalyndy sóndirýge 16 tehnıka men jeke quramnan 47 adam jumyldyryldy.
Órttiń shyǵý sebebi anyqtalyp jatyr. Qaza bolǵandar men zardap shekkender joq.
