Almatyda saýda úıleri, bazarlar, HQO jumys ýaqyty qaıta qaraldy

ALMATY. QazAqparat – Almatyda qalanyń bas sanıtarlyq dárigeri Jandarbek Bekshınniń karantındik sharalardy kúsheıtý týraly qaýlysy jarııalandy, dep habarlaıdy QazAqparat tilshisi.

Qujatqa sáıkes, barlyq azyq-túlik jáne azyq-túliktik emes bazarlar demalys kúnderi 9-18 saǵat aralyǵynda, jumys kúnderi 9-16.00 aralyǵynda ashyq bolady.

HQO jumysy onlaın formatqa kóshirildi. Al onlaın kórsetilmeıtin qyzmetter tańǵy 10.00-16.00 aralyǵynda kórsetiledi.

Saýda, oıyn-saýyq ortalyqtary 10.00-21:00 aralyǵynda jumys isteıtin bolady. Bul jerlerde qoǵamdyq tamaqtaný oryndary, oıyn-saýyq ortalyqtary jabyq bolady.

Kommertsııalyq bankter óz qyzmetkerleriniń 50 paıyzyn qashyqtan jumys formatyna aýystyrýǵa mindetteledi.

Sondaı-aq, kompıýterlik zaldar, boýlıng, býkmekerlik keńseler, banket zaldary, bılıard zaldary, karaoke ortalyqtar jabyq bolady.

Memlekettik organdar, ulttyq kompanııalardyń bólimsheleri óz qyzmetkerleriniń 50 paıyzyn qashyqtan jumys rejımine kóshirýi tıis.