Almatyda saýda úıiniń jertólesinen órt shyqty
ALMATY. QazAqparat - Almatyda «Janna» jıhaz úıiniń jertólesinde órt shyǵyp, kelýshilerdiń barlyǵy syrtqa shyǵaryldy. Bul týraly qalalyq TJD baspasóz hatshysy Sandýǵash Baımuhambetova habarlady.
Onyń aıtýynsha, órt keńse tehnıkasynan tutanǵan. «Shuǵyl habarlama saǵat 16.40-ta túsken. Ǵımarat ishi qalyń qoıý tútinge tolyp, órt sóndirýshiler barynsha qaýipsizdik maskalarymen ishtegi adamdardyń bar- joǵyn anyqtap shyqty. Nátıjesinde 70 adam syrtqa shyǵaryldy. Órt 17.00-de óshirildi», - dedi ol.
Tilsiz jaý saldarynan japa shekkender joq.
